Nakatakdang dumating sa bansa ang ikaapat na batch ng repatriated OFWs mula sa bansang Israel hinggil sa patuloy na kaguluhan dulot ng grupong Hamas.
Sakay ito ng Etihad Airways Flight 424 na nakatakdang dumating mamayang alas-3:55 ng hapon.
Nakatakdang salubungin ng mga kawani ng Department of Migrant Workers (DMW), Department of Foreign Affairs (DFA), Department of Social Welfare and Development (DSWD), Department of Health (DOH), Overseas Workers Welfare Administration (OWWA), at ang Technical Education and Skills Development Authority (TESDA) para sa ibibigay na kakailanganing tulong at financial assistance mula sa national government. | ulat ni AJ Ignacio
