Good news para sa mga tricycle driver sa Maharlika Street, sa Quezon City ang pagpapatupad ng panibagong bigtime rollback sa presyo ng gasolina.
Ngayong araw, epektibo na ang rollback na:
• Diesel – ₱2.45/liter
• Gasolina – ₱3.05/liter
• Kerosene – ₱3.00/liter
Ayon kay Mang Ferdinand, malaking bagay na rin ito dahil kahit papano ay may pandagdag na rin sa kita.
Gayunman, umaasa sina Mang Sonny at Jose Neri na magtuloy-tuloy ang bigtime rollback nang mas maramdaman umano nila ang epekto nito.
Wala rin kasi aniyang epekto kung sa susunod na linggo ay babawiin rin ito ng sunod-sunod na oil price hike.
Hindi naman gaya ng mga jeepney driver, hindi na humihirit ng taas-pasahe ang mga trike driver sa Quezon City dahil baka mas lalo lang daw silang mawalan ng pasahero. | ulat ni Merry Ann Bastasa
