Niyanig ng 6.1 magnitude na lindol ang ilang bahagi ng Mindanao ngayong alas-7:21 ng gabi.
Ayon sa ulat ng Philippine Institute of Volcanology and Seismology o PHIVOLCS, naitala ang sentro ng lindol sa Sarangani Island, Davao Occidental.
May lalim itong 131 kilometro at tectonic in origin.
Dahil sa malakas na pagyanig, aasahan ang aftershocks ayon sa Phivolcs.
Patuloy naman na nakaantabay ang Local Disaster Risk Reduction and Management Units sa posibleng epekto nito. | ulat ni Sheila Lisondra | RP1 Davao
