Muling umarangkada sa Caloocan ang isang mega job fair na nag-aalok ng iba’t ibang oportunidad at trabaho sa mga residente.
Sa abiso ng pamahalaang lungsod, isasagawa ang Mega Job Fair sa Caloocan City Sports Complex mula alas-8 ng umaga hanggang mamayang alas-4 ng hapon.
Pangungunahan ito ng Caloocan Public Employment Service Office (PESO).
Ayon kay Caloocan Mayor Along Malapitan, libo-libong mga oportunidad ang hatid ng mga partner companies sa naturang job fair para sa mga interesadong aplikante.
Kailangan lamang na dalhin ng mga ito ang resume, valid ID, at vaccination card. | ulat ni Merry Ann Bastasa
