Wala umanong Pilipinong nadamay matapos ang pumalpak na rocket launch na tumama sa Al-ahli Baptist Hospital sa Gaza.
Sa naturang insidente, 500 katao ang namatay at masuwerteng walang Pinoy na nadamay.
Sinabi ni Department of Foreign Affairs (DFA) Undersecretary Eduardo De Vega, na wala kasing mga Pilipino ang nasa Al-ahli Baptist Hospital nang tamaan ito ng rocket.
Sa isang statement, labis na ikinalungkot ng bansa ang pag-atake sa nasabing ospital at nagpaabot ng pakikiramay sa mga namatay na inosenteng sibilyan.
Sa kasalukuyan, nakataas pa rin ang alert level 4 sa buong Gaza. | ulat ni AJ Ignacio
