Posibleng madagdagan pa ang bilang ng mga Pinoy na nais magpalikas sa Gaza dahil sa nagpapatuloy na tensyon sa pagitan ng Hamas at Israel.
Ayon kay Department of Foreign Affairs (DFA) Spokesperson Teresita Daza, nasa 25 Pilipino sa Gaza ang nagpasaklolo na sa DFA para mailikas.
Dagdag pa ni Daza na posible pang mabago ang bilang ng mga gustong magpalikas dahil hindi pa desedido ang ibang Pinoy.
Samantala, mayroon namang contingency measures ang Philippine diplomats sa Tel Aviv para sa mga Pinoy na naiipit sa kaguluhan para maging ligtas ang mga ito at mailayo sa kaguluhan doon.
Samantala, nangako naman si Israel Ambassador to the Philippines Ilan Fluss na bibigyang prayoridad ang mga Pilipinong naipit sa kaguluhan na ilikas at dalhin sa ligtas na lugar. | ulat ni AJ Ignacio
