Target maabot ng Manila International Airport Authority ang on-time performance sa lahat ng flights sa bansa ngayong paparating na Undas at 2023 BSKE ngayong Oktubre.
Ayon kay MIAA General Manager Bryan Co, nakikipag-ugnayan na sila sa mga airline company para sa contigency plan ng mga ito sakaling bumuhos ang bilang ng mga pasahero sa apat na pangunahing paliparan sa Metro Manila.
Humingi naman ng karagdagang mga tao ang MIAA sa bawat airline companies upang umalalay sa mga pasahero at ma-accommodate ang mga pasaherong uuwi sa kani-kanilang probinsya.
Samantala, hangad naman ng MIAA na walang ma-delay na flights ngayong darating na Undas. | ulat ni AJ Ignacio
