Itinalaga si Metropolitan Manila Development Authority (MMDA) Finance Service Director Maria Carolina Salgado bilang bagong Assistant General Manager for Finance and Administration ng ahensya.
Ayon kay MMDA Acting Chairperson Atty. Don Artes, suportado niya ang pagkakatalaga kay Salgado na matagal na niyang nakasama sa ahensya simula pa noong 2017.
Ani Artes, magaling at masipag si Salgado at malaki ang naiambag nito sa pagkamit ng COA unqualified opinion ng MMDA sa nakalipas na apat na taon.
Sa panig naman ni Salgado, nagpasalamat ito kay Pangulong Ferdinand R. Marcos, Jr. sa oportinidad na makapagsilbi sa ilalim ng kaniyang administrasyon.
Nagpasalamat din ito sa tiwala ng Pangulo, at tiniyak na gagawin ang lahat ng kaniyang makakaya upang magserbisyo sa MMDA at sa publiko. | ulat ni Diane Lear
