Pinagana na ng Office for Transportation Security (OTS) 24/7 ang Transportation Security Monitoring para sa Barangay at SK Election at Undas 2023.
Bahagi ito ng ‘Oplan Biyaheng Ayos 2023’ ng Department of Transportation na layong tiyakin ang maayos at ligtas na paggunita ng eleksyon at Undas.
Bumuo ng task group ang OTS sa pangunguna ni Transport Security Risk Management Service Director Eugenio Paguirigan upang pangunahan ang Transportation Operations Center 24/7 para sa maayos na koordinasyon sa mga stakeholder at security agency.
Bukod dito ay nag-deploy din ang OTS ng mga auditor at inspektor sa mga airport, seaport, bus terminal, at rail stations upang masiguro na naipatutupad ng mga transport operator ang maayos at ligtas na biyahe para sa mga pasahero.
Tiniyak din ng OTS na may sapat itong mga tauhan sa security screening checkpoints sa mga paliparan sa bansa para sa mabilis at epektibong pag-iinspeksyon. | ulat ni Diane Lear
