Umarangkada na ang Overseas Job Fair ng Malabon City para sa mga aplikanteng naghahanap ng trabaho sa ibang bansa.
Ito ay sa pangunguna ng Business Permit and Licensing Office (BPLO) at Public Employment Service Office (PESO) at sa tulong ng mga katuwang nitong pribadong kumpanya.
Isinasagawa ang overseas job fair sa Malabon Ampitheater mula alas-8 ng umaga hanggang mamayang alas-3 ng hapon.
Pinapayuhan ang mga interesadong aplikante na magdala ng orihinal at authentic na mga dokumento kabilang ang updated resume, passport at iba pang credentials upang makasali sa alok na trabaho sa mga bansang Australia, Scotland, United Kingdom, U.S.A., Canada, at Qatar.
Kabilang sa mga trabahong maaaring aplayan ay Registered Nurses, Speedboat Mechanics – Inboard & Outboard Engines, Truck Drivers (Articulated), at Chef. | ulat ni Merry Ann Bastasa
