Tiniyak ng Overseas Workers Welfare Administration o OWWA na makakatangap ng financial assistance ang mga OFW na mare-repatriate mula sa Israel.
Ayon kay OWWA Administrator Arnel Ignacio, makakatangap ang mga ito ng tig-₱10,000 pagdating nila sa bansa.
Kaugnay nito, makakatangap naman ng ₱200,000 na financial assistance mula sa OWWA ang pamilya ng tatlong Pilipinong nasawi sa kaguluhan sa Israel at karagdagang ₱50,000 mula naman sa DMW.
Samantala, patuloy naman ang ginagawang hakbang ng national government para sa repatriation process ng ating mga kababayan. | ulat ni AJ Ignacio
