Nakahanda ang Department of the Interior and Local Government (DILG) na paimbestigahan ang umano’y pagbibigay ng security escort ng mga pulis sa Chinese POGO operators.
Ito ang inihayag ni Interior Secretary Benjamin Abalos Jr.
Ayon kay Abalos, sakali man na may mga pulis na nagbibigay ng security escort sa Chinese POGO operators ay hindi ito awtorisado.
Maaari aniya itong silipin ng National Police Commission (NAPOLCOM) at PNP Internal Affairs Service (IAS) upang masampahan ng reklamo ang mga pulis.
Nanindigan si Abalos na hindi kailangan ng Chinese POGO operators ang security escort lalo’t wala namang banta sa kanila.
Mas marami aniyang mahahalagang bagay ang nangangailangan ng seguridad tulad ng Barangay at Sangguniang Kabataan (SK) Elections. | ulat ni Diane Lear
