Pinaalalahanan ni Vice President at Education Sec. Sara Duterte ang mga guro at mag-aaral na dapat maging responsable sa paggamit ng Artificial Intelligence o AI sa edukasyon
Ayon sa Pangalawang Pangulo, bagaman batid niya ang tulong na naibibigay ng AI sa pag-aaral ng mga kabataan dapat din aniyang tingnan ang mga disadvantage nito.
Giit ni VP Sara, dapat maunawaan ng lahat na ang paggamit ng AI ay kailangang makatulong sa mga mag-aaral na umayon sa makabagong panahon pero hindi dapat ito ginagamit para palitan ang mga nakasanayan sa pagkatuto.
Binigyang diin pa nito, hindi dapat sa AI kumukuha ng mga kaalaman ang mga estudyante bagkus ay dapat itong gamitin sa pagpapalago ng kaalaman nang may pagmamahal.
Ginawa ni VP Sara ang pahayag nang dumalo ito sa pagtatapos ng mga mag-aaral mula sa University of Perpetual Help System DALTA sa PICC. | ulat ni Jaymark Dagala
📸: OVP
