Nagpahayag ng kalungkutan ang Philippine College of Criminology (PCCr) sa pagkamatay ng kanilang 4th year college student dahil sa hazing ng Tau Gamma Phi.
Sa isang statement, sinabi ng PCCr na walang puwang sa kanila ang ganitong uri ng gawain at kailanman ay hindi ito pinapayagan sa paaralan.
Ginawa ng PCCr ang pahayag nito, matapos mamatay sa hazing si Ahldryn Leary Chua Brevante na nangyari sa Quezon City noong weekend.
Nagsasagawa na rin daw sila ng mga hakbang para maiwasan ang ganitong mga gawain sa loob ng eskwelahan.
Sa ngayon, nakatutok sila sa pakikipag-ugnayan sa mga awtoridad upang maihatid ang hustisya sa pamilya Brevante.
Nagpaabot na rin ng kanilang pakikiramay ang paaralan sa pamilya, kasabay ng paniniguro na ipino-promote nila ang healthy education environment para mabigyan ng maayos na edukasyon ang mga mag-aaral. | ulat ni Michael Rogas
