Posible nang alisin anumang araw mula ngayon ang ipinatutupad na Executive Order no. 39 o ang price cap sa bigas.
Ito ang ipinahiwatig ni National Economic and Development Authority (NEDA) Secretary Arsenio Balisacan.
Ani Balisacan, ilang indikasyon para alisin aniya ang EO-39 ay ang gumagandang presyuhan ng bigas ngayong panahon ng anihan.
Bagaman malinaw din ayon sa kalihim na hindi dapat magtagal ang pagpapatupad ng EO-39 dahil sa ilang hindi magagandang epekto nito sa ekonomiya.
Kasalukuyang nasa isang buwan nang ipinatutupad ang price ceiling sa bigas na layong pababain ang presyo nito at maiwasan ang pananamantala ng mga nagsusuplay ng bigas sa mga pamilihan. | ulat ni Jaymark Dagala
