Isang Command Conference ang ipinatawag ni Pangulong Ferdinand R. Marcos Jr. na kung saan, tinalajay sa ginawang pagpupulong ang panibago na namang posibleng paglabag sa international maritime laws ng China
Sa nasabing command conference ay inatasan ng Chief Executive ang Philippine Coast Guard na magsagawa ng imbestigasyon hinggil sa insidente ng pagbangga sa barko ng Philippine Coast Guard ng Chinese Coast Guard.
Ang pinakahuling pangyayari sa West Philippine Sea ay hindi aniya ipinagkikibit balikat ng pamahalaan at bagkus ay siniseryoso ito ng gobyerno sa pinakamataas na antas.
Nangyari ang aniya’y “dangerous, illegal, and reckless maneuver” ng Chinese Coast Guard sa Exclusive Economic Zone ng Pilipinas na lumikha ng pinsala sa sasakyang pandagat ng Pilipinas.
Kasama sa ipinatawag na Command Conference sina AFP Chief General Romeo Brawner, National Security Adviser Eduardo Año, Executive Secretary Lucas Bersamin at Defense Chief Gilberto Teodoro na haharap ngayong alas-dos ng hapon sa pulong balitaan sa Malacañang. | ulat ni Alvin Baltazar
📷: PCO
