Iginiit ni Philippine Coast Guard Spokesperson for the West Philippine Sea Commodore Jay Tarriela na maling sabihin na tumataas ang tensyon sa West Philippine Sea.
Ito ay kasunod ng pagbangga ng China sa sasakyang pandagat ng Pilipinas sa West Philippine Sea kahapon.
Ipinunto ni Tarriela na ang dahilan kung bakit mas maraming insidenteng napapaulat sa West Philippine Sea ngayon ay dahil mas naging transparent ang national government sa pagpapaalam sa publiko ng mga nangyayari.
Samantala, sinabi naman ni Solicitor General Menardo Guevarra na alam nating mga Pilipino kung sino ang gumagawa ng provocation.
ito ang tugon ni Guevarra sa pahayag ng China na itigil na ng Pilipinas ang provocation sa West Philippine Sea.
Ayon sa Solgen, bahagi ng exclusive economic zone (EEZ) ng Pilipinas ang lugar kung saan binangga ng Chinese Coast Guard ang ating sasakyang pandagat.
Mayroon aniya tayong sovereign rights at hurisdiksyon sa naturang lugar. | ulat ni Nimfa Mae Asuncion
