Inaprubahan ng People’s Survival Fund Board ang P539 milyon na pondo para sa climate adaptation projects.
Ang People’s Survival Fund ay itinatag sa ilalim ng RA 10174 na naglalayong pondohan ang mga adaptation programs and project ng local government units at accredited local and community organizations.
Kabilang dito ang mga newly- approved project sa probinsya ng Mt. Province at Borongan, munisipyo ng Maramag, Bukidnon, Cabagan, Isabela at , Catanauan, Quezon na pawang mga ‘climate vulnerable’.
Sa paraan naman ng pag-aapruba ng proyekto, kinukunsidera ng PSF ang ‘level of risk and vulnerability’ sa nagbabagong klima, mga apektadong komunidad at poverty reduction.
Pinuri naman ni Finance Secretary Benjamin Diokno na siyang tagapamuno ng PSF ang board members nito sa agarang pag-apruba ng mga proyekto na pakikinabangan ng mga mamayan. | ulat ni Melany Valdoz-Reyes
