“All go” na ang Philippine National Police (PNP) para sa Barangay at Sanguniang Kabataan Elections (BSKE) sa October 30.
Ayon kay PNP Chief Police General Benjamin Acorda Jr. base ito sa pag-uulat ng mga Police Regional Directors matapos ang kanilang pagpupulong sa iba’t ibang Regional Joint Security Control Center (RJSCC) at Provincial JSCCs at National Headquarters, kaugnay ng paghahandang ginawa ng PNP.
Sa pulong balitaan sa Camp Crame kahapon, sinabi ng PNP Chief na sa ngayon ay wala silang nakikitang lugar na posibleng ma-postpone ang halalan sa kabila ng pagtukoy ng 2,594 areas of concern.
Bagamat mayroon aniyang ilang lugar na kailangang padalhan ng karagdagang tauhan, na nagawa na.
Sa ngayon aniya ay 246 ang tinukoy na “areas of grave concern” o klasipikado sa ilalim ng Red Category, na karamihan ay nasa Bicol, Eastern Visayas, at Bangsamoro Autonomous Region in Muslim Mindanao (BARMM).
Habang 1,248 barangay naman ang nasa ilalim ng Orange Category; at 1,100 ang nasa Yellow Category. | ulat ni Leo Sarne
