Kinumpirma ng DOTr-MRT-3 management na nagkaroon ng aberya sa operasyon ng tren kaninang morning rush hour.
Ayon sa MRT-3, alas-7:33 kaninang umaga nang makaranas ng ‘communication issue’ ang isang tren na pa-northbound malapit sa bahagi ng Magallanes station.
Dahil dito, kinailangang i-offload ang mga pasahero at ilipat sa susunod na tren.
Agad naman aniyang inalis ang nagkaaberyang tren sa mainline para sa troubleshooting at pagkukumpuni nito sa depot.
As of 8:00am, balik-operasyon na rin ang buong linya ng MRT-3 na may tumatakbong 18 train sets. | ulat ni Merry Ann Bastasa
