Nakapagtala ang National Government ng pagliit ng “budget deficit” o kakulangan sa budget para sa buwan ng Oktubre.
Ayon sa Bureau of Treasury, lumiit ang deficit ng bansa ng 65.27 percent o katumbas ng P64.7 billion kumpara sa P34.4 billion noong nakaraang taon.
Kapag lumiliit ang deficit o kakulangan ay ibig sabihin nito gumaganda ang fiscal performance ng bansa.
Ayon sa BTr, ito ay resulta ng kapansin-pansin na pagtaas sa revenue collection– lagpas sa paggasta ng pamahalaan na 8.32 percent.
Nitong October 2023, nasa P385.8 billion ang nakolektang kita ng Bureau of Internal Revenue, Bureau of Customs, collection ng Bureau of Treasury mula sa kita ng PAGCOR at iba pang non-tax revenue collection.
Ang pinagsama-samang deficit o kakulangan para sa 10-buwan ay nagkakahalaga ng P1.018 trillion kumpara sa P1.112 trillion pesos noong 2022. | ulat ni Melany Valdoz-Reyes
