Maaari nang makadaan ang mga motorista sa bagong bukas na Cavite-Laguna Expressway (CALAX) Silang (Aguinaldo) Interchange ngayong araw.
Magbibigay-daan ito sa mas mabilis na ruta sa Silang at Tagaytay City.
Ayon sa concessionaire ng CALAX na MPCALA Holdings Inc. (MHI), libre ang 3.9-kilometer exit hangga’t hindi naglalabas ng abiso ang pamunuan nito.
Inaasahang daraan sa CALAX subsection ang karagdagang 5,000 motorista araw-araw.
Sa kabuuan, may walong interchanges ang CALAX: Technopark, Laguna Boulevard, Santa Rosa-Tagaytay Road, Silang East, Silang (Aguinaldo), Governor’s Drive, Open Canal, at Kawit Interchange. | ulat ni Mary Rose Rocero
