Inaasahan pa rin ang makapal na volume ng mga sasakyan sa North Luzon Expressway (NLEX) na pabalik ng Metro Manila mula sa mga lalawigan matapos ang Undas.
Ayon sa NLEX Corporation simulang mararamdaman ang dagsa ng mga sasakyan ngayong maghapon hanggang hatinggabi.
Asahan din na marami pa ang darating bukas ng madaling araw.
Payo pa ng NLEX Corporation sa mga motorista na planuhin ang pagbiyahe at mag-ingat sa pagmamaneho.
Bago ang Undas at Barangay at Sangguniang Election, dumagsa ang maraming pasahero pauwi sa kanilang lalawigan. | ulat ni Rey Ferrer
