Sa isang Facebook post, nagpahayag ang Department of Health (DOH) ng babala sa publiko hinggil sa isang Facebook page na gumagamit ng pangalan ng ahensya.
Ayon sa DOH, ginagamit ng FB page na “DOH Hotnews” ang kaparehong pangalan at logo upang gayahin ang departamento.
Ang nasabing page, diin ng DOH, ay peke, at hindi sa anumang paraan ay kaugnay ng Health Department.
Dagdag pa ng DOH, anumang post at anunsyo na kaugnay ng kanilang ahensya ay maaring bisitahin sa anumang opisyal na website o social media nila na maaring mahanap sa @DOHgovPH sa X, sa www.doh.gov.ph o makipag-ugnayan sa kanilang numero bilang 02-894-COVID o sa hotline number 1555. | ulat ni EJ Lazaro