Nagbigay babala ang Department of Labor and Employment (DOLE) sa publiko ukol sa mga ibinibentang Tulong Panghanapbuhay sa Ating Disadvantage Workers (TUPAD) Program shirts at caps online.
Sinabi ng DOLE na ang mga TUPAD shirts at caps ay libre na ipinamimigay sa mga benepisyaryo ng programa upang gamitin bilang Personal Protective Equipment (PPE).
Ayon sa DOLE, hindi awtorisado ang pagbebenta ng mga nasabing uniporme at nararapat lamang sa suotin ng mga aktwal na nagtatrabaho sa TUPAD lalo na sa pampublikong lugar.
Pinapayuhan ng DOLE ang publiko na i-report agad ang mga insidente gaya nito sa DOLE Hotline 1349 o dumulog sa pinakamalapit na DOLE Offices sa inyong lugar para sa kaukulang aksyon. | ulat ni EJ Lazaro
