Binisita ng mga kinatawan mula sa Pantawid Pamilyang Pilipino Program (4Ps) NCR Regional Independent Monitoring Committee (RIMC) ang ilang benepisyaryo ng 4Ps sa mga Taguig at Pasay sa Metro Manila.
Layunin ng field visit na i-monitor at tingnan ang implementasyon ng programa kabilang ang edukasyon, kalusugan, relasyong pang-pamilya at iba pang mga serbisyo para sa 4Ps.
Ayon sa DSWD, ilan sa mga benepsiyaryong sumailalim sa field visit ay mula sa Level 1 o mga benepisyaryong mahirap ang pamumuhay batay sa pinakahuling resulta ng kanilang social welfare development indicator o SWDI.
Gagamitin naman ng DSWD ang mga nakalap na impormasyon sa field visit para maisaayos at mapagtibay pa ang mga programa at serbisyo nito sa Metro Manila.
Una nang inanunsyo ng DSWD ang pagpapatuloy ng payout ng cash grants sa may 761,140 Pantawid Pamilyang Pilipino Program (4Ps) beneficiaries, simula sa Nobyembre 30. | ulat ni Merry Ann Bastasa
