Nagpahayag ng suporta ang International Finance Corporation o IFC sa pagpapabuti ng transport system ng Pilipinas upang mas umunlad ang mobility at connectivity sa bansa.
Inilabas ang pahayag ng IFC sa nangyaring transaction advisory services contract signing ng Department of Transportation (DOTr) at Public-Private Partnership Center.
Ang IFC ay isa sa pinakamalaking global development institution na nakatuon sa mga pribadong sektor sa developing countries.
Ayon kay Country manager for the Philippines Jean-Mark Arbogast, sinabi nitong makapagbibigay ng mas maayos na serbisyo at oportunidad sa mga Pilipino sa pagkakaroon ng modernized na transport system.
Ikinatuwa rin ng IFC ang pakikipagtulungan nito sa DOTr para sa mga iba’t ibang proyekto gaya ng pagpapalakas ng Light Rail Transit Line 2 o LRT-2. | ulat ni Diane Lear
