Nanindigan ang Land Transportation Franchising and Regulatory Board (LTFRB) na hindi mangyayari ang kagustuhan ng grupong PISTON na tuluyang ibasura ang tinatawag na consolidation process.
Sa isinagawang diyalogo ngayong hapon, sinabi ni LTFRB Chairman Teofilo Guadiz III na ang maaaring gawing hakbang lamang ng LTFRB ay gawing simple ang proseso.
Sinabi ni Guadiz na mas magiging doable ang pag-waive ng penalties,
pagpapalawig ng franchise validity ng limang taon at ang pag-alis ng omnibus franchising guidelines.
Ang dayalogo ay isinagawa ngayong hapon sa pagitan ng LTFRB officials at ni Atty. Ariel Inton na kumakatawan sa grupong PISTON.| ulat ni Rey Ferrer
