Tinututukan na ng Quezon City government ang mga maliliit na negosyo para tulungang mapalago ang kanilang produkto at mapataas ang kanilang kita.
Ibinahagi ni Quezon City Mayor Joy Belmonte ang iba’t ibang programa ng lungsod na magpapalawak sa kaalaman at impormasyon ng mga micro at small enterprises
Kasunod na rin ito nang isinagawang kauna-unahang International Conference on Entrepreneurship and SME Development 2023 sa lungsod.
Kabilang sa inilatag ng alkalde ang Pangkabuhayang QC, Proudly Original Product of Quezon City o ang POP QC, at ang Be Your Own Boss.
Ang ICESMED 2023 ay dinaluhan ng mahigit 150 mag-aaral mula sa iba’t ibang bahagi ng bansa at Asya upang ipakita ang kanilang galing sa pag-aaral tungo sa pagpapaunlad sa industriya ng entrepreneurship at small-to-medium enterprise.| ulat ni Rey Ferrer
