Welcome sa Department of Social Welfare and Development (DSWD) ang nakamit na mataas na Performance Rating ni Secretary Rex Gatchalian sa pinakahuling “Boses ng Bayan” survey ng RP-Mission and Development Foundation Inc. (RPMD).
Batay sa naturang survey, nakakuha ng 84% na Approval Rating si Sec. Gatchalian, at 88% na Trust Rating.
Siya ang ikalawa sa Top Performing Cabinet officials sa ilalim ng Marcos administration.
Matatandaang noong Hulyo ay kasama rin ang kalihim sa listahan ng Top Performing Cabinet officials sa naturang survey.
Ayon kay DSWD Assistant Secretary for Strategic Communications Romel Lopez, nagpapasalamat si Sec. Gatchalian sa sambayanang Pilipino sa pagkilala sa kontribusyon at pagsisikap ng buong kagawaran para makapaghatid ng social protection services sa mga mahihirap at mga nasa vulnerable sector.
Kasama naman sa nakahanay ni Sec. Gatchalian sa RMPD survey sina DILG Secretary Benhur Abalos Jr. na siyang Highest Performing Cabinet official kasunod ng nakamit na 90% Approval Rating at 94% Trust Rating; at Tourism Secretary Christina Garcia-Frasco na may Approval Rating na 83% at Trust Rating na 86%.
Pasok din sa ikatlong pwesto sina Transportation (DOTr) Secretary Jaime Bautista at Budget (DBM) Secretary Amenah Pangandaman.
Ang naturang survey ay bahagi ng national poll “RPMD’s Boses ng Bayan” na isinagawa mula September 20-30 kung saan nasa 10,000 registered voters ang respondents. | ulat ni Merry Ann Bastasa
