Nagsagawa ng clearing operation ang Metropolitan Manila Development Authority sa kahabaan ng IBP Road papuntang Batasan Complex ngayong umaga.
Ayon kay MMDA New Task Force Special Operations Bong Nebrija, ginawa nila ito kasabay ng pagdalaw ni Japanese Prime Minister Fumio Kishida at kaniyang delegasyon sa Kongreso.
Lahat ng sasakyang nakaparada sa tabi ng IBP Road ay sinita at pinaalis.
Hindi na nagsagawa ng panghahatak ang mga tauhan ng MMDA maliban sa inisyuhan lamang nila ng tiket ang mga may-ari ng sasakyan.
Alas-10:00 ngayong umaga, magdaraos ng special joint session ang Kamara at Senado para sa pagsalubong at pagtanggap sa punong ministro ng Japan. | ulat ni Rey Ferrer
