Nagbigay-pugay ang pamahalaang lungsod ng Muntinlupa sa kanilang mga atleta dahil sa sunod-sunod nitong pagkapanalo. Matapos kasi ang walong taon ay muling nakapagtala ang UAAP ng Most Valuable Player na true-blooded Pinoy na si Karl Kevin Quiambao ng Brgy. Bayanan.
Habang ginto naman ang naiuwi ni Aidanreed Mercado sa ginanap na 2023 Asia Triathlon Duathlon Championship sa category na Sprint Men Junior Elite habang Silver Medal naman kay Sofia Kyra Capistrano sa Junior Elite Women Category.
Samantala, panalo rin ang visually-impaired na si Jerome Nelmida na finalist sa Top 5 National Council on Disability Affairs (NCDA) Extraordinary Filipinos with Disabilities 2023 na ginanap naman noong November 24. | ulat ni AJ Ignacio
