Nagpasalamat ang Department of Education sa Commission on Elections.
Ito’y para sa mabilis at napapanahong pagpapalabas ng honoraria para sa mga guro at iba pang tauhan ng edukasyon na nagsilbi nitong nakalipas na Barangay at Sangguniang Kabataan Elections.
Sa inilabas na pahayag ng DepEd ngayong araw, sinabi nito na natanggap na ng mga guro at tauhan nito ang 100% ng kanilang election honoraria.
Maliban sa COMELEC, nagpasalamat din ang DepEd sa Public Attorney’s Office, Philippine National Police at Armed Forces of the Philippines.
Ito’y para naman sa binigay nilang technical, legal at security assistance sa mga paaralan na pinagdausan ng halalan gayundin sa mga guro na gumanap ng kanilang tungkulin.
Samantala, umaasa naman ang DepEd sa mas matatag na Pilipinas sa tulong ng mga bagong halal na barangay at SK officials. | ulat ni Jaymark Dagala
