Nasa Los Angeles na si Pangulong Ferdinand R. Marcos Jr. na bahagi ng kanyang official trip sa Estados Unidos.
Dumating ang Pangulo lulan ng PAL flight 001 sa Los Angeles International Airport bandang 8:11 ng gabi (LA time).
Isa sa mga magiging pakay ng Pangulo sa LA ay ang makamusta ang Filipino community na kung saan ay inaasahan ding ibabahagi ng Chief Executive ang program ng administrasyon .
Bukod sa Filcom ay magkakaroon din ng pakikipag-pulong ang Pangulo sa business leaders sa Los Angeles.
Bago ang opisyal na biyahe sa Los Angeles ay dumalo muna ang Pangulo sa APEC Leaders Meeting sa San Francisco na aniyay isang matagumpay na kanyang partisipasyon doon.
Doon ay pinag-usapan ng kanyang kapwa lider ang tungkol sa AI, food security, energy security, at iba pa.| ulat ni Alvin Baltazar
