Pinasimulan na ng Pamahalaang Lungsod ng Pasig ang pamamahagi ng pamaskong handog sa mga residente ng lungsod.
Sa ikalawang araw ng distribusyon ng Pamaskong handog, ipagpapatuloy ngayong araw ang pamamahagi sa barangay Pinagbuhatan Proper at sabay na rin sa Pinagbuhatan Nagpayong Palatiw.
Kahapon, sinimulan ang unang distribusyon ng gift packs sa barangay Pinagbuhatan Proper.
Paalala ng lokal na pamahalaan sa mga residente na araw-araw ang posting ng schedule ng pamamahagi ng Pamaskong Handog.
Ipo-post ito tuwing umaga sa mismong araw ng itinakdang pamamahagi at bahay-bahay na gagawin ng distribution team.
Kailangan lamang na ihanda ng bawat pamilya ang mga requirement para makakuha ng gift packs.
May itinakda ding ibang schedule ng pamamahagi ang distribution team sa mga residente ng mga condominium. | ulat ni Rey Ferrer
