Nagkaroon ng pagpupulong ang Pilipinas at ang bansang
Germany para sa muling pagkuha ng overseas Filipino workers na magtatrabaho sa kanilang bansa.
Ayon kay German Embassy Economic Counsellor David Klebs, kabilang sa mga nais nilang makuhang OFWs sa Pilipinas ay mula sa sektor ng healthcare dahil isa ang mga Filipino health workers sa mga masisipag magtrabaho.
Dagdag pa ni Klebs, isinasapinal na ang isang Memorandum of Agreement para sa naturang pangailangan ng mga OFWs sa Germany.
Kabilang din sa lalamanin ng MOU ay ang pagkuha rin ng ibang mga professionals mula sa iba’t ibang sektor.
Samantala, nangako naman ang bansang Germany na magkakaroon ng magandang empleyo at benepisyo ang mga makukuhang OFWs. | ulat ni AJ Ignacio
