Dinagdagan ng Senate Finance Committee ng P807-million ang panukalang 2024 budget ng Philippine National Police (PNP) para makabili ng mga dagdag na body camera.
Sa budget deliberation ng Senado, sinabi ng sponsor ng PNP budget na si Senador Sonny Angara na ang dinagdag nilang pondo ay para sa pagbili ng dagdag na 24,454 units ng body camera, na ang isa ay tinatayang nagkakahalaga ng P33,000.
Sinabi ni Angara na sa kasalukuyan ay mayroong 2,756 na perational body cameras ang PNP.
Sa bilang na ito, 2,696 ang binili ng gobyerno habang ang 60 naman ay dinonate sa PNP.
Samantala, nasa 45,552 ang kabuuang kailangang body camera ng PNP para sa buong Pilipinas. | ulat ni Nimfa Mae Asuncion
