Nakatakdang dumating sa bansa ang unang batch ng mga Pilipino mula sa Gaza ngayong Biyernes, Nobyembre 10, 2023.
Ayon kay DFA Usec. Eduardo De Vega ang naturang Pinoy repatriates ay lulan ng Qatar Airways fLight QR 932 na inaasahang lalapag pasado alas-kwatro ng hapon sa NAIA Terminal-3.
Ayon pa kay de Vega, sa unang naiulat, 40 Pilipino ang nakatawid mula sa Gaza strip sa pamamagitan ng Rafah crossing sa Egypt subalit 36 Pilipino lamang ang kasalukuyang naglalakbay kasama ang isang asawang Palestino.
Sa kabuuan, 37 indibidwal ang inaasahang makakauwi sa Pilipinas. | ulat ni AJ Ignacio
