Nanawagan si Vice President at Education Secretary Sara Duterte sa mga Pilipino na alalahanin at ipanalangin ang ating mga yumaong mahal sa buhay. Ito ang mensahe ng Pangalawang Pangulo ngayong ginugunita ang Araw ng mga Kaluluwa.
Ayon kay VP Sara, nakikiisa siya sa mga Kristiyano sa pagdiriwang ng All Souls’ Day.
Aniya, magandang pagkakataon ang araw na ito upang magsama-sama ang pamilyang Pilipino para alalahanin at ipanalangin ang ating mga yumaong mahal sa buhay.
Nanawagan din si VP Sara sa mga Pilipino na mamumuhay ng may pagmamahal, pagpapatawad, at kapayapaan. | ulat ni Diane Lear
