Mananatiling commited ang Department of Finance (DOF) upang isulong ang kinakailangang fiscal policies upang makaenganyo ng mga investors sa bansa na magreresulta ng job creation.
Ito ang pahayag ni Finance Secretary Benjamin Diokno kasunod nang naitalang mababang unemployment rate sa nakalipas na Oktubre.
Ayon kay Diokno, malapit nang makamit ng bansa ang hangarin ni Pangulong Ferdinand R. Marcos Jr. na ibaba ang unemployment rate sa 4 to 5 percent hanggang taong 2028.
Aniya, sa gitna ng mga nararanasang external headwinds at mataas na inflation, nakayanan ng ekonomiya ng bansa na i-manage ang paborableng labor and employment condition.
Dagdag pa ng kalihim, patuloy na paiigtingin ng gobyerno ang pagpapatupad ng proactive measures upang hindi makaapekto ang external shocks sa domestic market.
Diin niya hindi sila titigil na mag-invest sa human capital development particular sa mga kabataan upang ihanda sila sa workforce at de kalidad na trabaho. | ulat ni Melany Valdoz Reyes
