Pinarangalan si Armed Forces of the Philippines (AFP) Chief of Staff General Romeo Brawner Jr. bilang isa sa “Heroes of the Year” awardee sa 2023 Gawad Pilipino Awards.
Tinanggap ni Gen. Brawner ang parangal mula kay Gawad Pilipino founder Dr. Danilo Mangahas sa seremonya sa Camp Aguinaldo kahapon.
Ang parangal ay ipinagkaloob kay Gen. Brawner bilang pagkilala sa kanyang natatanging katapangan at pagmamahal at pagseserbisyo sa bayan at mamamayan.
Sa kanyang mensahe, sinabi ni Gen. Brawner na isang malaking karangalan na mapabilang sa mga Gawad Pilipino awardee.
Ang Gawad Pilipino Award ay kumikilala sa mga natatanging indibidwal na nagpamalas ng “excellence, passion, and work ethic” na malaki ang epekto sa kultura, tradisyon, at lipunang Pilipino. | ulat ni Leo Sarne
📸: PFC Carmelotes/PAOAFP
