Kinumpirma ng Philippine Charity Sweepstakes Office (PCSO) na deactivated pansamantala ang kanilang Facebook page.
Sa isang pahayag, hindi nilinaw ng PCSO kung ano ang naging dahilan ng deactivation at kung ito ba ay inatake ng mga hacker.
Una rito, ilang mga netizen ang nakakita na may malalaswang larawan sa my day o story ng PCSO FB page.
Gayunman, nilinaw ng PCSO na patuloy pa ring gumagana ang kanilang website para bisitahin ng publiko.
Una nang inihayag ng Department of Information and Communications Technology (DICT), na nakikipag-ugnayan na sila sa pamunuan ng PCSO hinggil dito. | ulat ni Jaymark Dagala
