Nagpaalala si dating National Task Force against COVID-19 chief implementer at ngayon ay OPAPRU Sec. Carlito Galvez Jr. sa publiko na magkaroon ng ibayong pag-iingat sa gitna na rin ng pagtaas sa kaso ng COVID-19.
Ayon kay Galvez, tulad ng payo ni Pangulong Ferdinand R. Marcos Jr. ay dapat maging maingat ang lahat at kung kailangan na magsuot ng face mask bilang proteksyon.
Una nang sinabi ni DOH Chief Information Officer Usec. Eric Tayag na bagamat mabagal, ay tumaas ang kaso ng COVID-19 sa ilang rehiyon sa bansa na sinabayan din ng respiratory illness.
Sa ngayon ay hindi rin nakikita ng DOH na kailangan maghigpit sa health restriction dahil dito. | ulat ni Kathleen Jean Forbes
