Nakatanggap ng libreng flu shot ang mga tauhan at dependent ng Western Mindanao Command (WestMinCom).
Ang pagbabakuna ay isinagawa sa WestMinCom Headquarters sa Camp Navarro, Calarian, Zamboanga City kahapon bilang bahagi ng kolaborasyon ng WestMinCom Office of the Assistant Chief of Unified Command Staff for Reservist and Retiree Affairs, sa pamumuno ni Capt. Edwin Ello at Department of Health Regional Office IX.
Kabilang sa mga binakunahan sina Naval Forces Western Mindanao Commander, Rear Admiral Donn Anthony Miraflor at WestMinCom Deputy Commander, Brig. Gen. Vincent Incognito.
Si WestMinCom Commander, Lt. Gen. William Gonzales ay nakatakda namang tumanggap ng flu shot sa Disyembre 17.
Nagpasalamat si Lt. Gen. Gonzales sa DOH Region IX, sa tulong sa pagbabakuna at sinabing ang kapakanan ng mga sundalo ay laging bibibigyang prayoridad ng kanyang pamunuan. | ulat ni Leo Sarne
📷: WESTMINCOM
