Inilabas na ng MRT-3 management ang iskedyul ng biyahe ng mga tren sa bisperas ng Pasko at pagsalubong sa Bagong Taon.
Ayon sa pamunuan ng MRT-3, hanggang 7:45 lamang ng gabi ang huling biyahe sa December 24 at December 31 para sa North Avenue Station habang 8:23 naman ng gabi sa Taft Avenue Station.
Pagsapit naman ng December 25 at January 1, alas-6:30 na ng umaga ang unang byahe sa MRT-3
Regular weekday schedule ang ipatutupad ng linya para sa December 15, 18-22, 26-29, 2023 at January 2-3, 2024. | ulat ni Merry Ann Bastasa
