Nakarating na sa Japan si Pangulong Ferdinand R. Marcos Jr. para sa gagawin nitong partisipasyon sa ASEAN-Japan Commemorative Summit.
Lumapag sa Haneda International Airport ang PAL flight 001 bandang 6:13 ng gabi sa oras sa Pilipinas o 7:13 Naman ng gabi sa Japan.
Bukod kay First Lady Liza Araneta- Marcos, kasama rin sa delegasyon ng Pangulo sa biyaheng Japan sina House Speaker Martin Romualdez, DFA secretary Enrique Manalo, DTI Secretary Alfredo Pascual at PCO Secretary Cheloy Garafil.
Bukas magsisimula ang aktibidad ng Chief Executive na bukod sa inaasahang
bilateral meeting kay Japanese Prime Minister Fumio Kishida ay dadalo din ang delegasyon ng Pangulo sa dinner na inihanda ng Punong Ministro ng Japan.
Gagawin ito sa State Guest House o sa Akasaka Palace. | ulat ni Alvin Baltazar
