Walang biyahe sa walong ruta sa lungsod Quezon ang Q City Bus ngayong araw, Rizal Day, Disyembre 30, 2023 at Enero 1, 2024.
Sa abiso na inilabas ng pamahalaang lungsod ng Quezon, magbabalik ang regular na operasyon ng Q City Bus sa Disyembre 31 ng ala-1:00 ng hapon hanggang alas-8:00 gabi.
Samantala, magkakaroon ng special trip mula alas 8:00 ng gabi hanggang alas-2:00 ng madaling araw ng Enero 1,2024 para maserbisyuhan ang mga pupunta sa “QC Countdown to 2024” sa Quezon Memorial Circle.
Ang Q City Bus ay nagbibigay ng libreng serbisyo sa transportasyon sa mga residente ng lungsod upang makatipid sa gastusin.
Araw-araw ang operasyon ng bus service mula umaga hanggang gabi sa walong ruta sa lungsod.
Ang mga ruta ay ang mga sumusunod:
1 QC Hall to Cubao
2 QC Hall to Litex / IBP Road
3 Welcome Rotonda to Aurora Katipunan
4 QC Hall to General Luis
5 QC Hall to Mindanao Ave. via Visayas Ave.
6 QC Hall to Gilmore
7 QC Hall to C5 / Ortigas Ave. Ext.
8 QC Hall to Muñoz
| ulat ni Rey Ferrer
