Hindi interesado si Senador Chiz Escudero na pamunuan ang senate Blue Ribbon Committee.
Kaya ayon kay Escudero, hindi niya ito tatanggapin sakaling ialok sa kanya ang naturang posisyon dahil hindi naman niya hinangad na maging pinuno ng naturang kumite.
Matatandaang una nang kinumpirma ni Senador Francis Tolentino na bibitawan na niya ang pamumuno sa BRC ng Senado.
Una na ring sinabi ni Senate Pesident Juan Miguel Zubiri na ang mga abugadong senador ang maaaring pumalit kay Tolentino sakaling tuluyan na itong bumaba bilang BRC chairman.
Kabilang sa mga abugadong senador ay sina escudero, Senador Alan Peter Cayetano, Senador Sonny Angara at Senadora Pia Cayetano.
Sinabi rin ni Zubiri na dapat idaan sa plenaryo ang pagbibitiw ni Tolentino bilang BRC chairman at paghalal ng magiging kapalit nito.| ulat n Nimfa Asuncion
