Tiwala si Senadora Risa Hontiveros na kikilos ang gobyerno para mapigilan ang mga pinaghihinalaan bagong reclamation at base-building activities sa Julian Felipe Reef sa West Philippine Sea (WPS).
Ayon kay Hontiveros, umaasa siyang kikilos ang National Task Force for the West Philippine Sea (NTF-WPS) para hindi maituloy ang anumang plano ng China.
Sinabi ng Senadora na dapat ay higit na sa diplomatic protest ang gawin ng ating bansa dahil hindi naman ito pinapansin ng china.
Giit ng mambabatas, ang mga bagong kaganapan ay patunay lang na ang China ang siyang nagsisimula ng gulo at hindi ito maaaring ibalik at isisi na sa pilipinas.
Pinuri naman ni Hontiveros ang Philippine Coast Guard sa hindi nito pagtinag laban sa China.
Dahil dito, nararapat lang aniyang palakasin pa ang pwersa ng PCG.| ulat ni Nimfa Asuncion
