Bahagya nang naibalik ang power transmission services sa Caraga Region matapos ang magnitude 6.7 earthquake kaninang alas-3:49 ng madaling araw sa Cagwait, Surigao del Sur.
Sa abiso ng NGCP, naapektuhan ng malakas na aftershock ang San Francisco-Tandag 69kV transmission line na nagsisilbi sa ilang bahagi ng Surigao del Sur,
Naganap ang pagyanig sa layong 63 kilometro sa Hilagang Silangan ng Cagwait kaninang madaling araw.
Ayon sa NGCP, alas-5:40 ng umaga nang maibalik ang suplay ng kuryente sa Barobo at Lianga Substations ng Surigao Del Sur Electric Cooperative 2( SURSECO 2).
Nagpapatuloy pa ang line patrol para sa Lianga-Tandag segment.
Gayunman, nananatiling buo ang Mindanao grid dahil walang naiulat na trippings sa transmission line backbone kung saan naramdaman ang lindol. | ulat ni Rey Ferrer
